WELKOM BY
NG KERK MEIRINGSPARK
” Deur die bloed van sy Seun is ons verlos en is ons oortredinge Vergewe kragtens die ryke genade van God.”
Efesiërs 1:7
Ons Boodskap:
Meer oor Ons:
God is genadig en die toonbeeld van liefde, dit roep ons om ook liefdevol en genadig te wees. NG Gemeente Meiringspark, in Klersdorp, oordeel en diskrimineer nie teen mense nie en verwelkom almal wat Christus as sy Saligmaker bely om in ons gemeenskap en gemeente tot diens van God se koninkryk te wees.
Ons is ‘n lewendige gemeenskap van gelowiges wat bymekaarkom om God te aanbid, in geloof te groei en ons naaste te dien. Ons kerk is daartoe verbind om die goeie nuus van Jesus Christus te deel en ‘n positiewe impak in ons gemeenskap te maak.
Ons glo dat die Bybel die geïnspireerde woord van God en die uiteindelike gesag vir ons geloof en praktyk is. Ons streef daarna om Jesus te volg in alles wat ons doen en streef daarna om Sy leering in ons daaglikse lewe uit te leef.
Ons verwelkom jou om by ons aan te sluit vir aanbidding en deel te word van ons kerk familie.
Kontak ons gerus met enige navrae:
Ds. L.C. S. Haasbroek
Ons Geskiedenis:
- Ons gemeente is op 7 Junie in 1966 gestig.
- Op 3 Augustus 1968 word die eerste steen deur Ds. L. C. S. Haasbroek gelê.
- Op 12 Mei 1979 word die steen deur Ds. H.L. Nel gelê.
- Die kerk is eers in die saal gehou en later is die kerk gebou.
- Ons is deel van die KOSH Ring.
- Die NG Gemeente Meiringspark is ‘n gemeente in die Goudland Sinode.
- In 2013 was die leraar ds. T. De Bruin. Daar was in daardie jaar 67 doop- en 404 belydende lidmate.
- Enkele leraars: Gideon Stephanus Boshoff, 1971 – 1975.
- Op 7 Junie 2025 is die Kerk 59jaar oud.
Die Here vertrou my met die uitdagende voorreg om as emeritus-leraar by Meiringspark Gemeente in diens te wees, asook by Klerksdorp-Suidheuwels en Skoonspruit. Verder is ek ‘n Geregistreerde Sielkundig-Pastorale berader wat gemeentelede graag op versoek (gratis) bystaan, sodat hulle, hul emosionele en geestelike doelwitte kan bereik om te groei tot volwaardige volgelinge van Jesus Christus in woord en daad.
Die Here het my geseën met ‘n liefdevolle en ondersteunende lewensmaat, Cornelia, wat my opgewondenheid oor die bediening en berading deel. Ons dogter en seun het albei hul tersiëre studies voltooi, is getroud en is saam met hul lewensmaats elders gevestig. Ons is geseën met een kleindogter, wat ons lewens verder verryk.
My passie vir my lewe, bediening en Woordverkondiging vind ek in die woorde van 1 Kor. 2:2-5: “Ek het my voorgeneem om met julle oor niks anders te praat nie as oor Jesus as die Christus, en wel oor Hom as die gekruisigde. Bewus van my swakheid, en met groot angs en huiwering, het ek na julle toe gekom. Die boodskap wat ek verkondig, het julle oortuig, nie deur geleerdheid en welsprekendheid nie, maar deur die kragtige werking van die Gees. Dus is julle geloof nie op die wysheid van mense gegrond nie, maar op die krag van God.”
Eredienstye:
Erediens • 08:30
Kategese • 09:30
Kinderkerk • 08:30
Kinderkerk
Teikengroep:
NG Meiringspark fokus op voor- & laerskoolkinders vir ons Kinderkerk. Daar word gepoog om die kinders op hulle verstaansvlak met die goeie nuus van Jesus se liefde vir hulle te bedien. Die geleentheid word ook sodanig ingeklee dat kinders van die aktiwiteite wat in die gewone erediens plaasvind ook in die kinderdiens terug vind. Twee jong vroue, wat self ook kinders het, uit die gemeente is verantwoordelik vir die toesig en vir die aanbied van die lesmateriaal.
Aktiwiteite:
Die byeenkomste vind plaas tydens die erediens, (uitgesluit Nagmaalsgeleenthede) in die kinderkerk kamer, tydens die erediens.
Doel:
Om die kinders van kleins af te leer van Jesus se liefde en genade. Om kerk toe te kom en om Jesus te dien en ook vir Jesus lief te wees.
Maar Jesus het die kindertjies nader geroep en gesê: “Laat die kindertjies na My toe kom en moet hulle nie verhinder nie, want die koninkryk van God is juis vir mense soos hulle. Dit verseker Ek julle: Wie die koninkryk van God nie soos ‘n kindjie ontvang nie, sal daar nooit ingaan nie.” Lukas 18:16-17
Junior en Senior Kategese
- Kategese klasse vind plaas elke Sondag na afloop van die erediens in verskeie klaskamers.
- Neem asb kennis dat kategese klasse wel plaasvind op Sondae wanneer die gemeente saamkom om Nagmaal te vier.
- Daar is egter geen kategese tydens langnaweke en skoolvakansies nie en die naweek na die Nagmaal.
- Indien U bereid is om hulp te verleen met die aanbied van klasse skakel asseblief die kerkkantoor gedurende kantoorure op Maandag, Woensdag en Donderdag vanaf 08:00 – 12:00.
Senior Lidmate - Silwerklub
- Silverklub lede kom elke einde van die maand – gewoontlik op n Dinsdag naby die einde van die maand in die kerksaal bymekaar.
- Indien jy wil deel word van ons Silverklub skakel asseblief vir Lena Davis 063 777 1918 vir meer besonderhede
Raak betrokke:
ONS KONTAKBLAD:
Word elke Sondag uitgegee, met Verjaarsdae van die komende week, Voorbidding, Ietsie van Alles – inligting oor opkomende dienste, nagmaal, projekte ens.
Advertensieblad Voetspore:
Kom laaste Sondag van die maand uit. Die adverteerder betaal slegs R50 vir n blokkie.
Kontak Corrie Kerkkantoor:
ROOIHOEDE
Die 2 Rooihoede wat direk na die erediens by die deure beskikbaar is, se kollekte sal aangewend word vir die instandhouding van die Kerk se terrein.
KOSKAS
Daar word op die oomblik vir twee huis gesinne gesorg
Baie dankie vir elkeen wat bydra tot ons koskas. Dit word opreg waardeer. Die nood is ongelukkig nie verby nie en u word steeds versoek om onbederfbare kosse, badseep,
wasgoedseep, tandepaste en derglike skoonmaakmiddels aan die kerkkantoor te besorg.
Maandelikse Pick & Pay Stalletjie
Elke einde van die maand verkoop die kerk heerlike kerrie & rys, asook koffie, cupaccino & tee, by Pick ʼn Pay Hyper. Indien u wil deel word van ons Vrouediens skakel asseblief vir
Lizette Mulder 072 307 3295
Natuurlik is die man’s meer as welkom om ook in te skakel.
Barmhartigheid
Een van ons gemeente se waardes is “Omgee”. Daarom het ons verskeie aksies, waardeur ons die nood van mense in ons omgewing verlig. Ons hoop jy sal deel raak van hierdie groot werk.
Projekte:
- NG Welsyn – Antoinette Kruger 067 021 7700
- Klerksdorp Tehuis vir Bejaardes – Rosin Straat 6, Freemanville, Klerksdorp – 018 462 9887/8
Jy kan 'n verskil maak!
Meer as ooit in die storie van die gemeente benodig ons jou hulp om ‘n groter impak te maak.
LOKAALBESPREKINGS:
Hoe maak ek as ek die kerk se fasiliteite wil bespreek?
NG Kerk Meiringspark het ‘n saal wat op weeksdae en Saterdae gehuur kan word met fasiliteite soos ‘n instap vrieskas en het ook tafels, stoele en eetgerei beskikbaar. Vir meer inligting rakende die beskikbaarheid van die saal asook die tarriewe, kontak gerus ons kerkkantoor op Maandag, Woensdag en Donderdag vanaf 08:00 – 12:00.
DIE KERK-BIBLIOTEEK:
Wat 'n voorreg om te "kan" lees!!
- U is welkom om ‘n boek/boeke uit te neem.
- Daar is nie beperking op die tyd van leen nie.
- Skryf net asb u naam, van en kontaknommer in die boek wat daarvoor beskikbaar is. As u die boek/e terugbring, merk u af dat u die betrokke boek/e teruggebring het.
- Die biblioteekure sal wees: Maandae: 8h00 tot 12h00, Woensdae:8h00 tot 12h00, Vrydae: 8h00 tot 12h00 & Sondae na kerk.
- Bybel Dagboeke mag vir ʼn jaar geleen word of na ‘n jaar omgeruil word.
Dankie aan elkeen wat ‘n bydrae gelewer het, om hierdie diens aan ons gemeenskap te lewer.
"Lees is 'n avontuur."' Kom maak van hierdie geleentheid gebruik.
Dankoffers:
EFT: U kan per internet ook u bydrae maak.
Baie dankie dat u bereid is om ‘n bydrae te maak tot die groei en uitbou van ons gemeente se bedieninge en betrokkenheid in die gemeenskap. Opoffering is een van die dissiplines wat ons help om meer van God se teenwoordigheid te beleef. Daarom is ons finansiële bydraes meer as net geld om maar net dinge aan die loop te hou – dit vorm ons as burgers van God se Koninkryk.
Bank besonderhede: ABSA Tjek rekening: 950 580 097, Takkode: 632005
Gebruik asseblief u Naam, Van en maand as verwysing. Indien u onseker is van by watter wyk u in skakel, kontak ons kerkkantoor of stuur vir ons ‘n e-pos en ons sal dit graag aan u voorsien.
Kontak ons:
As u enige vrae het, of meer inligting rakende NG Gemeente Meiringspark in Klerksdorp, wil ontvang, kontak ons gerus.
Kerkkantoor: Saakgelastigde:
Kantoor Tye:
- Maandag, Woensdag en Donderdag vanaf 09:00 – 13:00
Leraar: Elmar Le Grange:
Koster: Lena Davis:
Koster Tye:
- Maandag, Woensdag en Vrydag vanaf 08:00 – 12:00
Orreliste: Annemarie Labuschagne:
Vrae en Antwoorde
Ja Ds Elmar Le Grange kan gekontak word.
Ja Ds Elmar Le Grange kan gekontak word..
Ja kan selfs hulle eie predikant gebruik. Net die koster en as hulle van die orrellis wil gebruik maak(kan eie orrellis gebruik) moet betaal word.
Ja. Ons het ook ʼn gedenktuin, as die persoon veras word en vekoop nissies. Daar is selfs lidmate wat nog lewe wat alreeds hulle plekkies gekoop het.
Ja, hy bied reeds nou volwasse kategese aan as daar iemand is wat belangstel en nog nie aangeneem en voorgestel is nie.
Vind plaas elke Woensdag oggend 9uur, by Tannie Engel Dahms se huis.
Ons het WhatsApp groepe: Meiringspark Vrouediens, NG Meiringspark Manne en dan Gemeente(S) Boodskappe. Elke Donderdag stuur ek die verjaarsdae van die volgende week uit, asook die voorbidding en as daar iets is waarvan die Gemeente moet kennis neem.
Kontak Kerkkantoor, vir plasing in kontakblad en op kerk groep.